Kosova ka shënuar një trend rënës në 24 orët e fundit pasi këtë të dielë ka regjistruar 92 raste të reja.
Por ndërkohë janë 7 viktima që janë shënuar së fundmi nga COVID-19. 115 pacientë arritën të fitonin luftën ndaj virusit.
Sa i përket rasteve të reja, 39 kishte Prishtina, ndjekr nga Prizreni me 10 dhe komunat e tjera më pak se 10.
Tashmë totali në Kosovë shënon 563 viktima dhe mbi 14 mijë raste të reja nga COVID-19.
NJOFTIMI NGA IKSHPK
115 TË SHËRUAR DHE 92 RASTE ME COVID-19!
Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR dhe në laboratoret private, janë testuar gjithsej 457 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 92 raste pozitive. Brenda 24 orëve janë raportuar 7 raste të vdekjes me SARS CoV-2 pozitiv.
Numri total i rasteve pozitive është 14.119 raste nga 54.011 persona të dyshimtë në virusin SARS-CoV-2 dhe 563 raste të vdekjes.
Gjatë 24 orëve të fundit, janë shëruar 115 pacientë derisa numri i përgjithshëm i të shëruarve deri më sot është gjithsej 10.546 raste, kurse numri i rasteve aktive është 3.010.
Rastet pozitive janë nga: komuna Prishtinë 39 raste, komuna Prizren 10 raste, komuna Gjakovë 9 raste, komuna Ferizaj 5 raste, komuna Fushë Kosovë 5 raste, komuna Drenas 4 raste, komuna Vushtrri 3 raste, komuna Istog 2 raste, komuna Podujevë 2 raste, komuna Rahovec 2 raste dhe me nga një rast komunat Deçan, Gjilan, Han i Elezit, Kamenicë, Lipjan, Obiliq, Pejë, Shtime, Skenderaj, Suharekë dhe Viti.
/e.rr
