Sot në orën 11.00 ishte parashikuar mbajtja e seancës konstituive e Parlamentit të Kosovës.
Ndërkohë, kryesuesi i seancës, Adem Mikullovci ka njoftuar se vazhdimi i seancës konstituive të kuvendit do të shtyhet për orën 14:00.
Shkak i shtyrjes është fakti se në sallë kanë ardhur një numër i vogël i deputetëve.
Mësohet se kjo vonesë ndodhi për shkak të mungesës së deputetëvë të koalicionit PAN në Kuvend. Nuk dihet ende se pse kanë munguar deputetët e PAn pasi ky koalicion, mendohet se i ka votat me afrimin në qeveri të AKR-së së Behgjet Pacollit.
Në ambientet e Kuvendit nuk ndodheshin as përfaqësuesit e minoriteteve.
VV: Po bëjnë pazaret
Deputetja e VV-së, Albulena Haxhiu pas shtyerjes së seancës konstituive të Kuvendit, e cila pritet të vazhdojë në orën 14:00, ka thënë se dreka e Enver Hoxhajt ende nuk ka përfunduar dhe kolacioni PAN nuk ka arritur t’i bëjë pazaret.
“Janë bërë tre muaj pas zgjedhjeve dhe ende nuk janë krijuar institucionet. Ata po vazhdojnë të bëjnë pazare dhe janë përgjegjësit kryesorë që vendi është pa institucione”, tha Haxhiu para medieve.
Ajo theksoi se partia e saj do të jetë Kuvend sa herë që thirret seanca konstituive, por nuk do ta votojnë Kadri Veselin, sepse, sipas saj, ai “nuk përfaqëson unitet, është figurë përçarëse dhe nxitëse./a.m.
