Procesi për ngritjen e Këshillit të Lartë Gjyqësor dhe Këshllit të Lartë të Prokurorisë duket se do të futet sërish në ngërç.
Opozita ka votuar kundër këtyre listave të dërguara për miratim në seancë plenare, pas përzgjedhjes në nënkomisionin ad hoc.
Edhe pse listat morën shumicën e votave, ato nuk u miratuan pas nuk u arrit shumica prej 93 votash të nevojshme.
Emrat e dalë nga nënkomisioni ad hoc për Këshillin e Lartë Gjyqësor morën 69 vota pro, 26 kundër dhe 1 bastenim.
Ndërkohë emrat për Këshillin e Lartë të Prokurorisë u votuan me 72 vota pro, dhe 26 kundër. Për miratimin e istave, nevojiteshin së paku 93 vota. Kreu i Kuvendit Gramoz Ruçi bëri me dije se procesi tashmë është ai i rikthimit të listave në komisionin përgjegjës, atë ad hoc.
Çfarë ndodh tani për zhbllokimin e procesit:
Sipas Kushtetutes, nëse lista nuk miratohet në Kuvend, ajo rikthehet sërish në Parlament në nënkomisionin ad hoc, i përbërë nga pesë anëtarë për t’u riformuluar. Por, nëse nuk gjendet dakordësia mes palëve dhe asnjë nga kandidatët, që është në garë nuk merr minimalisht 4 vota në nënkomision, atëherë procesi kalon në short me gogla. Nënkomisioni do të riorganizojë edhe njëherë shortin me gogla, në të cilin do të marrin pjesë të gjithë kandidatët, që janë vlerësuar si në përputhje me kriteret ligjore.
Nga ky proces do të dalin 10 kandidatë, 5 për KLP dhe 5 për KLGJ. Por në rast dështimi edhe në fazën e dytë, atëherë në fazën e tretë procesi edhe po nuk mori 94 vota në Parlament, lista quhet e miratuar sipas renditjes që i ka bërë nënkomisioni i Parlamentit.
“Nënkomisioni përzgjedh kandidatët me mbështetjen e të paktën 4 anëtarëve. Nëse nuk arrihet shumica e kërkuar, kandidatët përzgjidhen me short. Emrat e kandidatëve të përzgjedhur nga nënkomisioni, përmblidhen në një listë dhe i dërgohen kryetarit të Kuvendit. Brenda 10 ditëve, Kuvendi miraton listën e kandidatëve me 2/3 e të gjithë anëtarëve. Nëse lista rrëzohet, procedura përsëritet në nënkomision, sipas pikës 7 të këtij neni, por jo më shumë se dy herë. Në rast se, pas zhvillimit për herë të tretë të procedurës, Kuvendi nuk miraton listën e paraqitur, kandidatët e kësaj liste konsiderohen të zgjedhur. Procedura e detajuar rregullohet me ligj”,- thuhet në nenin 147 të Kushtetutës.
/a.m.
