Policia e Spanjës ka arrestuar katër shqiptarë që po transportonin 86 kile kokainë. Arrestimi i tyre u realizua në zonën Benalmádena (Málaga) dhe kokaina u gjet në tre valixhe në bagazhin e një makine. Të katër shqiptarët e arrestuar udhëtonin me dy makina njëra prej tyre luksoze dhe tjetra modeste.
Makina e parë e cila udhëtonte me shpejtësi të lartë kryente rolin mbrojtës pas makinës së parë ku ishin valixhet e kokainës. Shqiptarët e kanë parë postbllokun policisë dhe kanë tentuar ti shmangen.
Dy nga pasagjerët shqiptarë në njërën nga makinat të moshës 24 dhe 25 vjec sapo kanë parë policinë kanë nisur të bëjnë telefonata duke i treguar se ishin ndeshur me një postbllok policor.
Ndërsa dy të tjerët janë të moshës 27 dhe 38 vjec. Pas kontrollit u gjetën 86 kile kokainë si dhe sasia prej 5.900 euro. Kohët e fundit, Spanja është rikthyer në vëmendje, si zonë që shqiptarët e përdorin si trampolinë për të trafikuar drogën drejt vendeve të tjera.
Disa javë më parë, agjentët e Policisë Kombëtare Spanjolle në një operacion të përbashkët me zyrën e Madridit dhe DEA-e Kolumbisë, nën koordinimin e EUROPOL kanë goditur një grup kriminal të mafias shqiptare, duke sekuestruar 1 ton kokainë dhe 1.5 milionë euro. Operacioni u finalizua edhe me arrestimin e dy shqiptarëve Julian Deblini i cili e ka pasur mbiemrin Gjoka dhe Arjan Ndoci.
a.ç
