Daniele De Rossi dhe Alejandro Darío Gómez u konsideruan dy disidentë në javën e parë të kampionatit italian të futbollit, pasi ishin të vetmit që nuk pranuan të vendosnin shiritin unik të kapitenit, të imponuar nga Federata italiane e Futbollit (FIGC).
Ata i shpëtuan ndëshkimit nga gjykatësi sportiv, ndërsa nisma e “Lega Calcio”-s duket se do të dështojë që këtë muaj.
Mesfushori i Romës dhe sulmuesi i Atalantës u qëndruan besnikë zgjedhjeve të personalizuara, siç kanë bërë prej kohësh, dhe injoruan vendimin e FIGC-së, të ndikuar dukshëm nga sponsorët.
Si për De Rossin, ashtu dhe për Papu Gómezin, nuk pati madje as edhe një gjobë, një veprim që dënon tërthortazi këtë nismë me zhdukje.
Ndërkohë u dënua me një ndeshje Naggy i Bolonjës, ndërsa trajneri i Interit, Spalletti u penalizua me kusht për ofendimet ndaj arbitrit, si dhe mori 10 mijë euro gjobë.
ma.me
