Tre fitore, në tre ndeshje dhe nëntë pikë të mbledhura nga Juventusi, Roma dhe Napoli, për tu ngritur në renditjen e përgjithshme të UEFA-s.
Ky sukses erdhi pas një fillimi jo të mirë, e ka ngjitur futbollin e Serie A në vendin e tretë të klasifikimit të UEFA për klube duke e zbritur Gjermaninë në vendin e katërt.
Hera e fundit kur Italia ishte në mesin e tri më të mirave ishte viti 2010, kur Inter kishte fituar Ligën e Kampionëve nën udhëheqjen e Jose Mourinhos.
Me sistemin e ri të Ligës së Kampionëve kjo nuk luan edhe aq rol pasi katër vendet e para dërgojnë katër skuadra në këtë garë dhe Italia këtë e kishte sigluara më herët.
Por rikthimi në krye së bashku me Spanjën dhe Anglinë është motiv shtesë për futbollin italian.
Serie A kaloi para pasi tri ekipe të Bundesligës kanë pësuar humbje këtë javë.
Bayern Munich, Borussia Dortmund dhe Leipzig janë mposhtur nga PSG, Real Madrid dhe Besiktas./a.m.
