Gonzalo Higuain nuk dëshiron të rikthehet në Itali pavarësisht se Serie A po punon prej kohësh për të rifilluar sezonin. Kjo sjellje e Higuain të dërgon në një përfundim që po qarkullon prej kohësh, aventura e sulmuesit argjentinas në Torino është në fund. Kontrata e Higuain përfundon në 2021 por vështirë të besosh se Juventus do të mbështet tek Pipita edhe sezonin e ardhshëm, kur do që të filloj.
As Higuain e as Juventus nuk janë shprehur publikisht mbi këtë teme, e sigurt është se Paratici po punon ti gjej një tjetër sistemim argjentinasit dhe mbi të gjitha të gjej një zëvendësues. Higuain pëlqehet ende në MLS, ku Los Angeles Galaxy është i gatshëm ta afroj në skuadër, gjithashtu nuk përjashtohet një rikthim në Argjentinë, tek River Plate, ekip ku nisi karrierën e tij. Në pritje për të kuptuar se kush do të jetë e ardhmja e tij, Higuain ashtu si pjesa tjetër e lojtarëve të shpërndarë nëpër botë duhet të rikthehen në Torino për të qenë gati për rifillimin e sezonit, pergatiti BW.
