Sergio Ramos nuk është aspak i lumtur me humbjen 2:1 nga Leganes dhe eliminimin nga Copa del Rey.
Kapiteni i Real Madridit, Sergio Ramos eliminimin nga Copa del Rey më shumë se sa turpërim, e sheh si dështim të skuadrës. Spanjolli thotë se skuadra duhet të mësojë nga këto gabime.
“Të gjithë duhet të bëjmë më shumë. Nga të gjitha momentet duhet të mësojmë. Turpërim nuk është, e shoh më shumë si dështim”, tha Ramos pas ndeshjes.
Kapiteni po ashtu foli edhe për trajnerin Zidane, ku tha se nuk është faji i tij, sepse skuadra po stërvitet mirë dhe fizikisht është shumë e fortë, përgatiti ”Express”. (b.an)
