Ndeshja Osasuna- Real Madrid, qe u luajt te shtunen ne mbremje (1-3 per madrilenet), ishte teper te vecante per qendermbrojtesin dhe kapitenin e madrileneve, Sergio Ramos: ai ka luajtur ndeshjen e 500-te te karrieres se tij me fanellen e “Shtepise se Bardhe”.
“500 ndeshje me Real Madridin, nje enderr e bere realitet…Ju faleminderit te gjitheve…”, ka shkruar nder te tjera Ramos ne Facebook.
Sipas mediave sportive spanjolle, mbrojtesi 30-vjecar ne 500 ndeshjet e luajtura ne karrieren e tij me Realin, ka shenuar plot 66 gola, nje shifer mjaft domethenese per nje lojtar te repartit te mbrojtjes, kur dihet prej te gjitheve fakti se golat e tij kane qene vendimtare ne mjaft ndeshje te Real Madridit ne kompeticione te ndryshme.
Sergio Ramos ka veshur fanellen e Real Madridit ne vitin 2005, kur u transferua nga Sevilja per 27 milione euro. Ai eshte nen kontrate me madrilenet deri ne vitin 2020, nderkohe qe me Realin ka fituar 13 trofe te rendesishem gjate karrieres se tij /b.d
