Serë kanabisi në Itali, pranga shqiptarit
Një shtetas shqiptar dhe një italian kanë përfunduar në prangat e policisë italiane, pasi akuzohen për prodhim dhe trafikim të lëndëve narkotike.
Shqiptari E.M 28 vjeç e italiani G.F 50 vjeç të dy rezidentë në San Benedeto del Tronto, në rajonin Marke, kishin kultivuar rreth 270 rrënjë kanabis me gjatësi një metër, në sajë të një teknologjie të lartë të dnërtuar posaçërisht për rritjen e bimëve narkotike.
Mediet italiane shkruajnë se sera e bimëve narkotike ishte e marrë me qira e gjendej e fshehur në kodrat e komunës së Monsampolos.
Autoritetet italiane kanë vendosur urdhërarrest shtëpiak deri në pritje të procesit gjyqësor ndaj nënshtetasit shqiptar E.M e italianit G.F.
