Kryeministri i Kosovës, Albin Kurti ka komentuar në një intervistë për CNN situatën e shkaktuar nga agresioni rus në Ukrainë dhe ndikimin që mund të ketë në Kosova dhe në të gjithë rajonin e Ballkanit Perëndimor. Në intervistën e tij të shkurtër, Kurti, ndër të tjera, tha se Kosova nuk i trembet kërcënimeve të Serbisë.
Ai shtoi se Serbia nuk është një shtet neutral siç pretendon, por është vendosur qartë në anën e Rusisë.
“Nuk mendoj se Rusia na bllokon që të anëtarësohemi në NATO. Serbia do para të BE, banka ruse, investime kineze dhe tolerancë amerikane, por nuk është neutrale. Serbia është në kahun e Rusisë dhe ndaj ne duhet të jemi vigjilentë.
S’kemi frikë, kemi shtuar buxhetin për mbrojtjen. Ballkani Perëndimor mund të jetë një vend ku mund të zhvillohen terrene të reja beteje ruse nga përfaqësuesit e tyre,“-tha ndër të tjera Kurti për CNN.
g.kosovari
