Kryetari i Parlamentit Europian Antonio Tajani ka deklaruar se se është e mundur që Serbia e Mali i Zi të bëhen anëtarë të Bashkimit Europian edhe para vitit 2025, transmeton Koha.net.
Ai ka shtuar se është optimist lidhur me hapjen e kapitujve të rinj dhe mbylljen e të tjerëve që tashmë janë hapur.
Tajani ka thënë se, siç përcjell “Blic” i Beogradit, Jean Claude Juncker dhe Donald Tusk, kryetari i Komisionit Europian dhe ai i Këshillit Europian, do ta vizitojnë Serbinë dhe do të rekomandojnë se Serbia është e rëndësishme për BE-në ashtu sikur BE-ja që është e rëndësishme për Serbinë, ndërsa ka shfaqur kënaqësinë që më shumë se gjysma e popullatës serbe është për anëtarësim në BE.
Serbia është kandidat prijës për anëtarësim në BE falë arritjeve të saj, citohet të ketë thënë ai sot gjatë qëndrimit në Beograd, përgatiti Koha. (b.an)
