Gazetari Baton Haxhiu ka komentuar Samitin e Procesit të Berlinit, ku kryeministrja serbe Ana Brnabiç ka refuzuar të bashkohet në foton e liderëve të Europës dhe Ballkanit Perëndimor.
Në një intervistë për Euronews Albania, ai theksoi se Serbia shumë herë ka refuzuar të fotografohet në samite apo mbledhje ku merr pjesë Kosova apo mbrapa është flamuri i Kosovës.
Ai shtoi se ky veprim është refuzim i procesit të Berlinit që udhëheq Gjermania prej vitesh.
“Serbia që kur ka pasur një qëndrim që nuk fotografohet asnjë lider i saj në konferencat ku merr pjesë Kosova apo ku mbrapa është flamuri i Kosovës. Është një guxim jashtëzakonisht i madh. Është guxim i madh që një shtet që ka pasur marrëdhënie të mira me Merkel dhe ka bërë gjithë a to investime që të refuzojë foto liderin e Gjermanisë. Nuk është vetëm refuzim i Shqipërisë apo i Kosovës por refuzim i një procesi të Berlinit që ka udhëheq Gjermania”-tha ai.
Brnabiç nuk u bashua me liderët në kohën kur do bëhej fotoja familjare, por iu bashkua atyre vetëm pak minuta më vonë për të shijuar vallet popullore që qeveria shqiptare kishte organizuar.
/f.s
