Në një deklaratë për gazetën beogradase “Novosti”, Nikoliç ka konfirmuar se me drejtuesit e të gjitha shërbimeve informative dhe të sigurisë ka biseduar lidhur me ato që ai i ka quajtur “mesazhe luftënxitëse” nga Sarajeva.
“Kam biseduar me kryetarin e qeverisë, Aleksandar Vuçiçin, me përfaqësues të disa shërbimeve, por edhe me kryeshefin e Shtabit të Përgjithshëm të Ushtrisë së Serbië, të cilit ia kam paraqitur nevojën që ushtria të ushtrojë më shumë më shumë kujdes aktivitetet e saj të rregullta, për shkak të rrethanave në të cilat nuk mund të ndikojmë dhe situatës e cila gjithsesi na prek edhe neve”, ka thënë Nikoliç.
Ai ka thënë se tash për tash nuk do ta thërrasë mbledhjen e Këshillit për siguri nacionale, por ka theksuar se Serbia nuk do të lejojë të befasohet nga askush. “Nuk do të lejojmë që të na befasojë kushdoqoftë”, është shprehur ai raporton panorama.
Presidenti i Serbisë ka folur me përçmim për liderët politikë dhe drejtuesit e federatës së Bosnjës e Hercegovinës, përfshirë edhe kryesuesin e kryesisë, Bakir Izetbegoviç.
Tensionet mes Beogradit dhe Sarajevës janë shtuar më shumë pas shpalljes së referendumit në Republikën Serbe. Udhëheqja e Federatës së Bosnjës e Herecegovinës e akuzon Beogradin për nxitjen e liderëve të serbëve të Bosnjës, ndërsa Beogradi është distancuar deklarativbisht nga referendumi, por ka dalë në mbrojtje aspiratave të serbëve në Republkikën Serbe. Sarajeva e konsideron referendumin e serbëve si përpjekje për shkëputjen e Republikës Serbe nga Federata e Bosnjës e Hercegovinës./a.m.
