Qeveria e Serbisë e ka emëruar Vuk Jeremiçin kandidat për Sekretar të Përgjithshëm të KB-së. Më herët ishte njoftuar se Serbia nuk do kandidojë Jeremiçin në këtë post pasi kundër tij ishin deklaruar SHBA dhe disa vende perëndimore.
Jeremiç ka falënderuar Qeverinë e Serbisë për këtë emërim, njofton B92, transmeton Koha.net. Kandidatët për vendin e Sekretarit të Përgjithshëm të Kombeve të Bashkuara kandidaturat e veta i dorëzojnë vetë në Asamblenë e Përgjithshme të KB-së.
Zgjedhja e Sekretarit të Përgjithshëm të KB –së bëhet në qershor. Në ndërkohë kanë filluar bastet se kush ka më së shumti shanse që ë zëvendësojë Ban Ki Moonin, Sekretarin e Përgjithshëm aktual.
Sipas këtyre basteve, e para me më së shumti shanse ka është Irina Bokova nga Bullgaria, ndërsa në vendin e nëntë është Vuk Jeremiç.
Vuk Jeremiç, ish – ministër i Punëve të Jashtme i Serbisë në kohën kur kryetar i Serbisë ishte Boris Tadiç dhe kryetar i Asamblesë së Përgjithshme i KB-së nga shtatori i vitit 2012 deri në shtatorin e vitit 2013, është i njohur me deklarimet e tij kundër Kosovës.
