Shteti serb ka formuar një grup pune, anëtarët e së cilit do të merren me çështjen që kanë të bëjnë me dialogun më Kosovën.
Sesioni i parë i këtij grupi fillon punën të hënën, ka njoftuar kryetari i këtij grupi dhe drejtori i Zyrës për Kosovën, Marko Gjuriq, për televizionin serb.
Detyra e këtij grupi është që t’u japë mbështetje organeve të shtetit serb që merren zyrtarisht me dialogun me Kosovën dhe më pas monitoron aktivitet dhe marrëveshjet që dalin nga procesi i bisedimeve, transmeton Klan Kosova.
Sipas raporteve të mediave, grupi ka 13 anëtarë ku përfshihen përfaqësues të të gjitha departamenteve dhe organeve shtetërore relevante, të shoqërisë civile dhe sipas nevojës grupit i bashkohen edhe anëtarë të tjerë nga sfera të ndryshme. (b.an)
