Lajmi i papritur i dorëheqjes së Ramush Haradinajt nga posti i kryeministrit të Republikës së Kosovës, përveçse mediave në gjuhën shqipe dhe atyre ndëtkombëtare, ka mbuluar të gjitha mediat serbe pa përjashtim, që i kanë bërë jehonë.
Televizioni publik i Serbisë, ka shkruar se “Rambo” i Kosovës ftohet për të tretën herë nga Haga”.
Ndërkohë gazeta popullore “Danas” ka njoftuar vetëm me një titull të shkurt “Haradinaj jep dorëheqje”.
Të njëjtin titull sikurse të “Danas” për dorëheqjen e Haradinajt e ka vendosur edhe “Telegraf.rs”.
“Blic.rs” lajmin për dorëheqjen e Haradinajt e ka ilustruar me foton e lajmit të fundit, duke treguar në titull edhe deklaratën e tij se është ftuar nga Gjykata Speciale e Hagës.
Raportim për dorëheqjen e Haradinajt ka pasur edhe nga televizioni “B 92”, me një titull të shkurt “Haradinaj dorëhiqet”.
