Në kufirin mes Maqedonisë dhe Serbisë kanë mbetur të ngujuar rreth 1.000 migrantë, numri më i madh prej të cilëve nga Siria dhe Iraku, njoftojnë mediat maqedonase.
Nga policia maqedonase thonë se asnjë institucion dhe as policia serbe nuk ka dhënë sqarime se pse i kthejnë refugjatët, e as nuk tregojnë për ç’arsye nuk u lejohet tranziti nëpër Serbi.
“Në kufirin Maqedoni-Greqi kontrolli i kushteve për hyrje mbi baza humanitare bëhet konform rregullativës kombëtare dhe kritereve të përbashkëta të kontraktuara mes vendeve të rutës. Kontrolli dhe profilimi bëhet nga ekipe të përziera ku bëjnë pjesë nëpunës policorë nga të gjitha shtetet e rutës.
Irakun dhe Sirinë i konsiderojmë për vende të pasigurta, por në rast se ndonjë nga vendet e rutës aplikon kufizime të reja, do të detyrohemi që ta shqyrtojmë mundësinë për ndryshime edhe në kufirin mes Maqedonisë dhe Greqisë, përfshirë edhe ndalimin për hyrje të migrantëve nga rajone të caktuara”, është qëndrimi i policisë maqedonase.
