Heronjtë dhe patriotët shqiptarë në Serbi, ata nga Ushtrisë Çlirimtare e Preshevës, Bujanocit dhe Medvegjës ka të ngjarë të mos kenë më lapidarë pas Vitit të Ri.
Sipas burimeve serbe, “në të ardhmen, pikërisht pas Vitit të Ri me këta heronj apo kriminelë të luftës do të vendosë shteti dhe jo si deri tani individët apo organizatat të komunave. Nga kjo nisme nuk do te merren parasysh ata që ofendojnë ndjenjat kombëtare dhe fetare, të arriturat historike, morali publik apo promovon idetë fashiste, shoviniste dhe separatiste nuk do të pranohen”.
Megjithëse në këtë raport të Beogradit nuk përmenden ajo se çfarë do të bëhet me ata “heronj serbë” që kanë vrarë e prerë, kanë dëbuar e masakruar shqiptarë të Luginës së Preshevës”, ka shkruar agjencia e lajmeve “Presheva jonë”. Qeveria ka miratuar një projektligj në fillim të majit dhe e dërgoi atë në Asamblenë Kombëtare dhe pritet të miratohet tashmë në sesionin e vjeshtës. “Rregulloret që qeverisin këtë zonë janë miratuar 40 vjet më parë – ka thënë Dragan Popoviç, Sekretari i Shtetit në Ministrinë e Punës. – Ndaj është bërë propozim për kodifikimin e rregullave të deritashme në fuqi, me qëllim funksionimin më efikas të administratës shtetërore në procesin e mbrojtjes, ruajtjes, restaurimit të ndërtimit të përmendoreve të reja dhe ekzistuese”.
