Siç tha ministri i Tregtisë, Turizmit dhe Telekomunikacionit të Serbisë, Rasim Ljajiç në Kopaonik, gjatë ndërprerjes së sinjalit televiziv analog, Serbia që nga sot është tërësisht e dixhitalizuar, përkatësisht, 97,8 për qind e qytetarëve janë të mbuluar nga sinjali dixhital, ndërsa sinjali analog sot është pjesë e historisë.
“Siç e patë, kemi shuar sinjalin analog këtu në Kopaonik, dhe njëkohësisht do të ndërpritet edhe nga stacionet e transmetimit në Jastrebac, Cer dhe Maljen”, tha Ljajiç dhe shtoi se tani ka përfunduar ajo që u fillua dhjetë vjet më parë.
Duke kujtuar se sinjali i parë dixhital eksperimental në Serbi u lëshua në vitin 2005, Ljajiç tha se “fatkeqësisht, të gjithë këtyre viteve më shumë flitej për dixhitalizim se sa është bërë, dhe se tani flitet më pak, dhe punohet më shumë”.
Ljajiç tha se Qeveria e Serbisë do të publikojë se sa ka kushtuar procesi i dixhitalizimit në çdo fazë sepse, siç tha, “duam që ky proces të jetë sa më transparent, jemi munduar të kursejmë çdo dinarë ku ishte e mundur”.
