Ministri i Brendshëm i Serbisë, Nebojsha Stefanoviq iu drejtua opinionit nga Pallati i Serbisë, lidhur me njërin prej aksioneve më të mëdha të zhvilluara në luftën kundër korrupsionit.
Ai konfirmoi se në aksionin e MPB-së u arrestuan 79 të dyshuar duke përfshirë biznesmenë, pronarin e kompanisë “Bohemija” Zheljko Zuniç dhe ish ministrin e Tregtisë në qeverinë Cvetkoviç, Slobodan Milosavljeviç. Ndërkohë pesë persona gjenden në arrati shkruan Kurir.
Të arrestuarit janë të dyshuar për një numër të madh të abuzimeve si pastrim i parave, marrje rryshfeti, falsifikim i dokumenteve zyrtare etj. Këto krime të rënda të korrupsionit dhe krimit ekonomik kanë dëmtuar buxhetin e Serbisë në shumën pothuajse gati 100 milionë euro.
Stefanoviç ka thënë se është aksioni më i gjerë deri më tani dhe që është përgatitur prej kohësh në bashkëpunim me Prokurorinë, dhe se dëshmitë kundër të arrestuarve janë të forta.
Në mesin e të arrestuarave janë ish-ministri, biznesmenë, kryetarë aktual dhe të mëparshëm dhe zëvendësit e tyre, drejtorët e kompanive të mëdha publike, drejtorët dhe të punësuarit në pozitat e larta në një numër të kompanive të mëdha vendase etj.
*Ministri i Brendshëm i Serbisë, Nebojsha Stefanoviç
***
Policia e Serbisë ka prangosur 80 persona gjatë aksionit në luftën kundër korrupsionit.
Siç raporton RTS, arrestimet janë bërë për persona të përfshirë në 20 raste të korrupsionit.
Ministria e Brendshme e Serbisë në një njoftim dhënë gjatë mëngjesit, ka paralajmëruar edhe një konferencë të jashtëzakonshme, ku do të flet për këto arrestime, transmeton lajmi.net.
Bëhet fjalë për aksionin më të madh të ndërmarr ndonjëherë në Serbi në luftën kundër korrupsionit.
Deri tani nuk janë dhënë detaje lidhur me personat e arrestuar, por bëhet e ditur se në mesin e tyre ka edhe zyrtar të lartë.
