Paralajmërimi se planifikohet ndërtimi i autostradës nga Nishi, përmes Prishtinës deri në Durrës, ka gëzuar jo vetëm shoferët, por edhe banorët e këtij rajoni të Serbisë, transmeton koha.net.
Rruga që tani shfrytëzohet nga mijëra shoferë brenda ditës, nuk është rreguluar si duhet prej dekadash. Gropa, gunga, çarje asfalti ka në çdo kilometër të kësaj rruge, përcjell b92. Në disa pjesë shoferët ecin sa majtas e djathtas për mos e dëmtuar automobilin.
Nga Nishi deri në Prishtinë janë 115 kilometra, e rrugëtimi zgjat më shumë se tri orë. Serbia po e përgatit dokumentacionin teknik nga Nish deri në Merdar e autostrada do të mund të përfundonte deri në vitin 2020.
Gjatësia e autostradës Nish – Durrës parashihet të jetë 384 kilometra, përgatiti Koha. (b.an)
