Qeveria e Serbisë për 100 ditët e para të mandatit të vet, në Kosovë ka ndërtuar 41 banesa, 16 apartamente dhe ka shpërndarë 53 pako materiali ndërtimor për ndërtimin e shtëpive, transmeton Koha.net.
Kështu citon Tanjug të ketë thënë Marko Gjuriç, i cili në Mitrovicën veriore ua ka dorëzuar kontratat për banim familjeve të 12 njësive banesore në bllokun e banimit të sapondërtuar.
“Në këto familje jetojnë 20 vogëlushë dhe kjo është porosia më e mirë për njerëzit tanë në Kosovë.
E ardhmja e Serbisë dhe e Kosovës janë njerëzit dhe detyrimi ynë si Qeveri e Serbisë të përkrahim popullin tonë që dëshiron të mbetet këtu, që me qëndrim dëshiron të kultivojë kulturën dhe traditën tonë”, ka thënë Gjuriç. (b.an)
