Sensacionale/ Del video për të kaluarën kriminale të Kallashit
Donjeta Kosumi, apo e njohur ndryshe si Kallashi ka treguar gjithë ngjarjen e arrestimit të saj. Rrëfimi është bërë në emisionin “Drejtësia në Kosovë”.
Hetimi sjell detaje për rastet që policia dhe prokuroria kanë të hapura ndaj Kallashit dhe bashkëpunëtorëve të saj. Drejtori Rajonal i Policisë në Prizren, Nexhmi Krasniqi, ka dhënë detajet rreth dyshimeve që policia ka për këtë grup. Ai ka kritikuar punën e prokurorisë dhe gjykatës.
Krasniqi ka dhënë detaje për rastet ku është përfshirë Kallashi dhe Dibran Hoxha, personi që i qëndron afër asaj. Në anën tjetër, Donjeta Kosumi ka thënë për “Drejtësia në Kosovë” se nuk ka informacione se policia dhe prokuroria ka lëndë të hapura ndaj saj. E pyetur për kallëzimet penale, ajo është shprehur se nuk di gjë për to.
Ndërsa Dibran Hoxha, i përmenduri si person me 155 vepra të kundërligjshme, është ankuar në sjelljet e Policisë së Kosovës. Ai flet edhe për dyshimet se policë dhe zyrtarë të qeverisë janë vizitorë të rregullt të lokalit “Kobra” në Prizren.
