Është krejt nomale në ditët tona që meshkujt të jenë masivisht ndjekës të industrisë pornografike, por kur kjo bëhet publikisht nga një senator i Shteteve të Bashkuara, atëherë e gjithë bota shpërthen në të qeshura.
Kështu ka ndodhur me senatorin e Texasit, Ted Cruz, njëkohësisht një nga kandidatët për president brenda Partisë Republikane. Në mënyrë krejt naive, Cruz i ka dhënë pëlqimin e tij një videoje pornografike të publikuar në rrjetin social Twitter.
Si për ironi të fatit, senatori republikan po shihte video pornografike në kohën kur Shtetet e Bashkuara po përkujtonin sulmet terroriste të 11 Shtatorit.
Në rrjet shpërtheu ironia.
Me mijëra postime në Twitter vunë në loje babain e dy fëmijëve dhe një nga figurat e rëndësishme të Partisë Republikane.
Një nga përdoruesit e Twitterit shprehet se ky ishte momenti i parë i lumtur në politikën amerikane që pas fitores se Trumpit si president.
Të tjerët po presin reagimin e zyrës së senatorit. Postimi u shfaq në faqen personale të republikanit dhe pas pak kohë u fshi.
a.ç
