Banorët në fshatrat e Njësisë Administrative Iballe në bashkinë e Fushë Arrëzit flasin për një situatë dramatike tek gjedhët, teksa fajësojnë strukturat lokale të Shërbimit Bujqësore në Pukë, të cilat ndryshe nga veprimi i shpejt i Ministrisë së Bujqësisë, nuk ndërhyn me të njëjtin ritëm për parandalimin e pasojave të Dermatozës Nodulare raporton Express.
Ata thonë se sëmundja po iu shkakton dëme të mëdha, pasi për shumë prej familje të ardhurat nga ekonomia blegtorale ishin burimi i vetëm financiar për ta.
“Ndryshe nga sa ndodhi në Ministrin e Bujqësisë ku u veprua shpejt këtu në zonën tonë vetëm dje erdhi vaksina, por ajo nuk luan rol më pasi gjedhët janë prekur” thotë një i moshuar banor i zonës, teksa të gjithë shprehen se gjedhët ishin pasuria më e madhe e tyre.
Bëhet e ditur se shenja të Dermatozës Nodulare kanë filluar të shfaqen edhe në fshatra të tjerë në kufi me Iballen ku situata pritet të lërë pas dëme kolosale./a.k.