Eksperti i Bashkimit Europian Robert J Connor sqaron se mbyllja e tregut të mishit të gjedhit është një masë e detyrueshmë për të shmangur përhapjen e sëmundjes në të gjithë vendin.
“Arsyeja e ndalimit të mishit është bërë pasi vetëm kështu kufizohet përhapja.Kjo sëmundje rrezikon të gjithë popullsinë e gjedhit në vend. Ne themi që duhet bllokim total i lëvizjes dhe në të gjitha shtetet e prekura janë marë masa të tilla. Deri sa gjedhi të përfitoj imuntet pas vaksinimit duhet ndaluar lëvizja e kafshëve pasi kjo është një situatë emergjente”-tha Connor për median.
Sëmundja e gjedhit njihet si sëmundja Dermatoza Nodulare për të ende nuk ka një kurë dhe kjo shkakton ngrodhjen e bagëtive ndërkohë që është hapur me shpejtësi në vend.
Edhe pse sëmundja nuk ka rrezik të trasmetohet nga kafsha e infektuar te njeriu ,qytetarët ndjehen të frikësuar.
Ndërkohë edhe eksperti ngre si shqetësim faktin se në këtë situatë mund të abuzohet dhe mund të shitet mishi i bagëtive të sëmura i cili nuk këshillohet të përdoret për konsum
“Natyrisht në këtë situatë ka rrezik për shitjen e mishit të infektuar të lopëve të prekura dhe kjo kërkon kontrolle të rrepta edhe pse sëmundja nuk trasmetohet te njeriu, nuk duhet të konsumohet mishi i kafshëve të infektuara”-tha eksperti Connor.
Tregtimi i mishit me origjinë vendase do të vijojë që të jetë bllokuar edhe për dy javë, ndërkohë që thertoret ende nuk e kanë ndjerë mungesën e mishit pasi kanë pasur rezerva dhe kanë marrë mish nga importi./atsh/a.k
