Kryeministri Edi Rama ka ironizuar sot kreun e PD, sa i përket deklaratave në lidhje me raportin e Departamentit Amerikan të Shtetit.
Përmes një postimi në Twitter, Rama shkruan se ‘Selia e Përkthimeve të Gabuara mendon që raporti i DASh është ferman për qeverinë”.
Kreu i ekzekutivit shprehet se PD po e lufton Vettingun ndërkohë që pretendon për luftë kundër korrupsionit.
“Selia e Përkthimeve të Gabuara e di raportin vjetor të Departamentit të Shtetit për 170 vende, ferman kundër qeverisë. Do luftë kundër korrupsionit e lufton Vetingun. Do pushtetin e thotë kur ishim më keq ishim më mirë. Po do s’do ajo seli plagët po luftohen sot si kurrë më parë” – shkruan Rama.
Ditën e sotme, Lulzim Basha u shpreh se Rama dhe një grup oligarkësh po plaçkisin Shqipërinë.
“Raporti i fundit i Departamentit të Shtetit për klimën e biznesit në botë, thekson së Shqipëria nuk është vend i përshtatshëm për bizneset amerikane për shkak të korrupsionit, mungesës së shtetit ligjor, korrupsionit në PPP DHE prokurime publike dhe mumgesës së konkurrencës” – tha kreu i Partisë Demokratike ndër të tjera.
/javanews/b.d
