Themeluesi i Partisë Demokratike Eduard Selami spas dështimit të Lulzim Bashës në zgjedhjet e 25 qershorit, kërkon kryesinë e partisë.
I ftuar në Top Story, Selami këtë rezultat ai e lidh jo vetëm me situatat e fundit brenda partisë, por edhe me mos ndryshimin e mentalitet brenda PD-së, duke mos analizuar e ndryshuar çfarë nuk shkonte pas humbjes në vitin 2013.
Ai gjithashtu tregoi se kur kishte ndodhur krisja e parë me kreun e PD-së Lulzim Basha. “Thyerja e fortë, që ia kam thënë zotit Basha, ndodhi në zgjedhjet lokale unë isha caktuar në njësinë nr. 2. Ne vendosëm që të bënim primare dhe zgjodhëm 27 kandidatë për këshilla bashkiakë. Kryesia do merrte vetëm 9 për këshilltarë. E di sa u morën nga këto emra? Zero. Këtë e mora si sfidë personale nga zoti Basha” tregoi Selami.
