Kryetari i Kuvendit Ilir Meta ndohet në Greqi për një vizitë zyrtare. Ai po merr kritika në lidhje me qëndrimin e tij për çështjen çame. Një kritikë mjaft e fortë në drejtim të Metës ka ardhur edhe nga deputeti demokrat Eduard Selami, i cili e ka cilësuar të turpshme deklaratën e Metës në takimin me Ministrin e Jashtëm grek Nikos Kotzias.
“BE njeh çështjen çame, Kryetari i Kuvendit ngushëllon Greqinë. Turp!” shkruan Eduard Selami në Twitter.
Më poshtë deklarata e Metës së cilës i referohet Selami:
“Në këtë kuadër unë besoj se për çështjen “Çame” që ju pyetët, ekzistojnë ende dy qasje të ndryshme le të themi, por unë besoj se me durim dhe mënyrë konstruktive, ne kemi mundësi të ecim për gjithë problemet e së kaluarës drejt një zgjidhjeje ku përfitojnë të dy vendet tona dhe të dy popujt tanë.
Unë dua të vlerësoj dhe dialogun dhe përpjekjet që bëhen edhe midis dy qeverive për t’i diskutuar në një mënyrë konstruktive problemet e trashëguara nga e kaluara, në mënyrë që diskutimi dhe zgjidhja me racionalitet dhe durim e tyre t’i shërbejë akoma më shumë përshpejtimit të axhendës së përbashkët midis Shqipërisë dhe Greqisë, e cila do t’i sigurojë të dy vendeve një të ardhme shumë më të mirë të përbashkët, por njëkohësisht edhe rajonale” tha Meta.
Statusi i Selamit
