Burime brenda grupit parlamentar të PD bëjnë të ditur se deputeti Eduard Selami e ka ritheksuar rrezikun që i kanoset demokratëve nga qëndrimi kundër reformës.
“Ka dy deklarata të ambasadorëve kundër nesh. Nëse nuk arrihet marrëveshja, fatura bie mbi ne” – mësohet të ketë thënë Selami.
Më herët, Basha i ka informuar deputetët e tij se nuk kanë arritur ende në një marrëveshje dhe se po pritet fjala e Ramës. Sipas Bashës, negociatat po vijojnë.
Pjesë ga debatet në grupin e PD:
Basha: Jemi ende në proces negociatash dhe kemi shpresë se mund të arrihet marrëveshje. Ne kemi mbështetjen e komunitetit ndërkombetar në gjithë këtë histori.
Berisha: E vërteta është që Rama nuk e do marrëveshjen, Rama kërkon që reforma të mos votohet. Ai po punon për të arritur një shumicë të çoje vendin në zgjedhje të parakohshme.
Selami: Unë nuk e di për çfarë mbështetje ndërkombëtare flisni ju kryetar kur ne dje kemi marre dy deklarata shumë të forta kundër. Ne duhet ta votojmë reformën pasi deri në këto momente fatura është mbi ne.
Unë kam që në dhjetor që sa herë dal nga shtëpia për në Kuvend apo në parti takoj përditë qytetar që më kërkojnë të votojmë reformën. Ne duhet ta votojmë pasi fatura sic e thashe deri tani është mbi ne.
