Kryetari i Komisionit Zgjedhor në PD Jemin Gjana, reagoi pas deklaratës së Eduart Selamit i cili denoncoi disa parregullsi.
Në një dalje për mediat Gjana ka vlerësuar procesin e zgjedhjeve, duke u shprehur se ka qenë shumë korrekt dhe i rregullt.
“Në pikëpamjen time, zgjedhjet janë të pranushme dhe të kënaqshme. Mund të kemi një rritje të mëtejshme të numrit të votuesve. Ne do të vijojmë të ndjekim ecurinë. Ne do të përpunojmë të dhënat dhe do t’i përcjellim për mediat. Dua të falenderoj të gjithë komisionerët. Nuk ka pasur incidente. Vlerësojmë se kemi të bëjmë me një proces të rregullt dhe korrekt,” tha Gjana.
Nërkohë ai i ka dhene edhe pergjigje denoncimeve qe beri kandidati Eduard Selami, lidhur me foton e Bashës në disa qendra votimi dhe disa kryetarë degësh që qëndronin sot në QV.
“Jam vënë në dijeni në orët e mëngjesit, ka pasur një problem të tillë se një pjesë e degëve të PD i kanë pasur vendvotimet në zyrat e partisë dhe për fat të keq s’është normale, kemi dhënë urdhër të largohen, nuk është bërë në mënyrë të qëllimshme, ne kemi vënë vendet e votimit aty, kam dhënë porosi të hiqen fotot e kandidatëve.
Me udhëzime që kemi shkruar kemi kërkuar me insistim që brenda vendvotimeve në të gjitha komisionet të pranishëm janë vetëm anëtarë që votojnë dhe komisionerë, kush ka vepruar ndryshe ka vepruar gabim. Per mungesen e emrave në lisrta, s’kam asnjë ankimim”, tha Gjana per mediat.
