Policia italiane ka finalizuar një super aksion në kuadër të të cilit janë sekuestruar 26 kilogramë kokainë e heroinë, si dhe 39 mijë euro cash.
Gjatë aksionit të koduar “Amarcord”, janë ndaluar 7 persona, tre prej të cilëve shqiptarë. Raportohet se shqiptarët e prangosur janë të moshave 42, 47 dhe 38-vjeç ndërkohë nuk jepet identiteti i tyre.
Sipas policisë italiane, shqiptarët kanë rol kyç në trafikun e drogës. Ata kanë bashkëpunëtorë dy shtetas tunizianë, edhe ata të arrestuar gjatë aksionit.
Ishin shqiptarët ata që siguronin transportimin e drogës në Ravena nga vendet e lindjes ndërkohë perosnat e tjerë siguroheshin për shpërndarjen.
Në gjurmët e bandës u ra pas vrasjes së një 32-vjeçari shqiptar në vitin 2015. Gjithçka ndodhi pas një përplasjeje mes bandave për kontrollin në shpërndarjen e drogës në zonë./a.m.
