Një operacion i policisë së Vlorës i koduar “Fast” ka vënë në pranga një person të kapur me armë zjarri dhe kanabis sativa në formë çokollate.
I arrestuari është Ervin.R., 33 vjeç, banues në fshatin Grabian të Vlorës.
Të riut iu gjet dhe iu sekuestrua në banesën e tij në fshatin Grabian, një armë gjahu pa leje dhe 245 gramë kanabis në formë çokollate.
Kontrolli në banesën e tij u bë pas informacioneve të siguruara në rrugë operative nga policia.
Ndaj të dyshuarit materialet iu referuan Prokurorisë së Vlorës, për veprat penale “Prodhimi, mbajtja pa leje e armëve të gjuetisë dhe sportive”, dhe “Prodhim, shitja e narkotikëve”./a.m.
