Spanja ka sekuestruar një sasi prej 6.5 ton kokainë. Lënda narkotike u gjet brenda disa kuti bananesh pas kontrollit në disa depo dhe anije mallrash. Sipas autoriteteve spanjolle kokaina arrinte një vlerë në treg prej 223 milionë eurosh.
Operacioni u zhvillua në bashkëpunim me Europol. Gjatë operacionit në prangat e policisë ranë 13 persona. Mes të arrestuarve është edhe kreu i bandës i cili drejtonte një rrjet të gjerë droge që dërgonte kokainë nga Ekuadori dhe Kolumbia në Bashkimin Europian.
Oficerët sekuestruan gjithashtu edhe automjete, ora luksoze, një numër i madh pajisjesh elektronike dhe 1.5 milionë euro kesh. Në shtatë muajt e fundit autoritetet spanjolle kanë sekuestruar sasi të ndryshme lëndësh narkotike të fshehura në kuti bananesh të destinuara për në Algecira në jug të Spanjës.
/f.stafa
