Një shumë parash u sekuestruan nga policia në doganën e Muriqanit pasi poseduesi i tyre nuk i kishte deklaruar.
Bëhet fjalë për 11,790 Euro të fshehura në një makinë që do të hynte në Shqipëri. Drejtuesi i mjetit, një 58-vjeçar me iniciale N.F. nga Kosova, nuk i deklaroi paratë.
Shuma monetare u gjet gjatë kontrollit të imtësishëm në mjet. Paratë u sekuestruan ndërsa 58-vjeçari u procedua në gjendje të lirë për mosdeklarim në kufi të të hollave.
Materialet procedurale i kaluan Prokurorisë pranë Gjykatës së Rrethit Gjyqësor Shkodër, për veprime të mëtejshme.
/a.r
