Edhe pse kanë kaluar gati 2 javë nga vendimi i gjykatës së Tiranës për sekuestrimin e aseteve të Francesko Becchettit, Ministria e Financave nuk ka zbatuar këtë vendim.
Sipas Prokurorisë, Agjensia e Administrimit të Pasurive të Sekuestruar dhe Konfiskuar pranë Ministrisë së Financave ende nuk kanë zbatuar vendimin, me arsyetimin e problemeve proceduriale. Prokurorët thonë se është kërkuar ngritja e një grupi pune, të përbërë nga agjencia e administrimit të këtyre pronave, policia, përmbarues, tatime dhe prokurori për të bërë ekzekutimin e vendimit në terren.
Nga ana tjetër, ende ky grup nuk është ngritur çka ka sjelle edhe mos zbatimin e vendimit për administrimin e televizionit Agon Channel. Ndërkohë në zbatim të vendimit, bankat kanë sekuestruar të gjitha llogaritë bankare të familjes Becchetti.
ABC News
