Policia e Durrësit në bashkëpunim me atë të Tiranës dhe Shkodrës kanë arrestuar 7 persona dhe një e kanë shpallur në kërkim për trafik droge, pasi sekuestroi 700 kg kanabis.
Personat e arrestuar nga policia janë:
• Iqmet Pashollari 61 vjeç, banues në Durrës;
• Bejto Kotaj 53 vjeç, banues në Shkodër;
• Ajet Sulaj 40 vjeç, banues në Tiranë;
• Festim Xhelilaj 39 vjeç, banues në Tiranë;
• Pajtim Braçaj 52 vjeç, banues në Tiranë;
• Qerim Xeka 47 vjeç, banues në Krujë
• Lutfi Xeka 25 vjeç, banues në Krujë.
Arrestimi i tyre u bë pasi:
Nga kontrolli i ushtruar në banesën e shtetasit Valter Pashollari 34 vjeç,banues në Durrës, i shpallur në kërkim, i’u gjetën dhe i’u sekuestruan në cilësinë e provës materiale:
• rreth 700 kg lëndë narkotike e dyshuar e llojit Cannabis Sattiva;
• një peshore elektronike;
• një makineri vakumi që shërbente për presimin e lëndës narkotike;
• 7 automjete dhe 15 aparate celularë të markave të ndryshme.
Gjithashtu filloi proçedimi penal në gjendje të lirë në ngarkim të shtetasit:
• K.X. 17 vjeç,banues në Krujë.
Materialet i kaluan Prokurorisë së Krimeve të Rënda Tiranë për veprime të mëtejshme për veprën penale”Prodhimi dhe shitja e narkotikëve e kryer në bashkëpunim” dhe”Grup i strukturuar kriminal”parashikuar në nenet 283/2 dhe 333/a të Kodit Penal.
