Një magazinë e mbushur plot me drogë është zbuluar mesditën e kësaj të shtune në Përmet. Policia e Shtetit në bashkëpunim me Sh.Ç.B.A, zhvilluan prej disa orësh një operacion të madh anti drogë ne kete zone dhe pas përfundimit të peshimit të kanabisit të sekuestruar, rezultoi se ishte rreth 12 ton.
Blute bene me dije se zbuluan në një fshat të Përmetit një magazinë me një sasi të konsiderueshme lënde narkotike. Magazina u gjet në fshatin Pagri të rrethit Përmet.
Në operacion moren pjese Antidroga, Forca e Posaçme Operacionale, Drejtoria e Policisë Gjirokastër, Sh.Ç.B.A dhe Policia e Përmetit.
Eqerem Ali, 60 vjeç, banues në fshatin Pagri.
Si dhe u bë shpallja në kërkim e shtetasit:
Ismail Saliu, 61 vjeç, banues në fshatin Pagri – Përmet.
Ndalimi i këtyre shtetasve si dhe shpallja në kërkim e shtetasit tjetër u bë për arsye se këta shtetas nga provat e grumbulluara rezulton se i kishin në përdorim depot për të magazinuar ushqim për bagëtitë e tyre.
Gjithashtu në vijim të veprimeve është bërë ndalimi edhe i kryeplakut të fshatit Pagri , shtetasit: Koço Zaimaj , 58 vjeç, kryeplak i fshatit Pagri. Ndalimi këtij shtetasi u bë pasi ky shtetas është me detyrë kryetar i fshatit Pagri dhe nuk ka kryer detyrat funksionale në lidhje me ngjarjen e mësipërme.
