Edhe pse jemi thuajse në pikun e sezonit turistik kësaj periudhe po i mungojnë si pritjet e turistëve të huaj në vendin tonë ashtu edhe dërgimin e Shqiptarëve jashtë për të kaluar pushimet.
Krizën që ka kapluar sektorin po e ndjejnë më së shumti agjencitë turistike të cilat përballen çdo ditë me qindra anulime për shkak të pasigurisë për të udhëtuar.
Si mundësi për të pushuar jashtë aktualisht Shqiptarët kanë vetëm Turqinë, por hezitojnë nga frika. Agjencitë tashmë po sugjerojnë më së shumti pushimet brenda Shqipërisë.
Nga mbyllja e kufijve, turizmit Shqiptar do t’i mungojnë edhe emigrantët që vijnë çdo verë për të pushuar në vendlindje. Përfaqësues të agjencive thonë se kaluan një periudhë të vështirë izolimi prej 4 muajsh dhe mbështetja prej 40 mijë lekësh nga qeveria nuk mbuloi as shpenzimet bazike.
Nëse situata vazhdon e tillë apo rikthehet një mbyllje e dytë aktiviteti, falimenti për shumë subjekte të tilla është afër. /Klan
/a.r
