Nga Ermal Peçi
Sytë e shqiptarëve prej dy vitesh janë të fokusuar totalisht nga opozita, në përcarjen që është prodhuar dhe a i ka ajo kapacitet apo burimet njerëzore dhe kostumin moral për të sjellë ndryshimin e për t`u shkëputur nga e shkuara sado e lavdishme apo shkatrimtare të ketë qenë ajo.
Përçarja që nisi sipas një vendimi politik solli zig-zage të shumta, politikanë të cilët njëherë mbështesin Bashën më pas zgjodhën të mbështesnin Berishën. Ajo që nisi si vendim politik përfundoi për pjesën më të madhe të deputetëve si vendim interesash personale për të mbajtur vendin e deputetit sesa për t`u ndarë nga e shkuara e Partisë Demokratike, e cila lidhet ngushtësisht me Sali Berishën, një prej njërëzve më të pushteshëm në këto 30 vite.
Kur të gjithë prisnin një analizë të humbjes, arsyet. Çfarë e solli këtë humbje? Menjëherë të gjithë u hodhën në sulm për të sulmuar Lulzim Bashën.
14 maji prodhoi atë që demokratët e flisnin çdo ditë ndërmjet njëri-tjetrit në kafenetë e tyre apo kur kërkonin votën. Kostumin e moralit politik që përfaqësonin deputetët e vendosur në lista, ish-ministra, ish-zëvendës ministra apo dhe drejtorë të fuqishëm, të cilët nuk përqafonin dot kartën morale që mund t`ju sillte ndryshimin.
Edhe në këto zgjedhje u pa se trupi i PD-së vuante nga të njëjtat simptoma, të cilat lidhen thellësisht me moralin politik për të sjellë ndryshimin. Sikur të mos mjaftonte gjithë kjo mesele ishin dhe thirrjet e malësorit Gjekmarkaj, i cili i drejtohej me oshëtima të fuqishme Gaz Bardhit dhe Tabakut për të mos të dorëzuar vulën tek Lulzim Basha.
Oshëtima, të cilat mesa duket i tundën themelet e Joridës, e cila fill pas mbledhjes së kryesisë dha dorëheqjen nga posti i nën-kryetares së PD-së ndersa Bardhi vazhdon të pengojë vendimin e kryesisë, i cili mori vendimin për t`u hapur gara për zgjedhjet e kryetarit të ri. Tashmë Bardhi po përdor çdo kompetencë të tij së bashku me 5 deputetë të tjerë për të bërë nul një vendim, i cili është ligjërisht në bazë të statutit të partisë, por mesa duket në Partinë Demokratike po ndodh ajo që ndodhi në Kostandinopojë. Ndërkohë teologët bizantinë bënin debate se cili duhej zë ishte seksi i engjëjve zrupat osmane ishim para Portës së Artë të Kostamdinopaolit. Partia Demokratike nuk ka më kohë të diskutojë se çfarë seksi kanë engjëjt, por duhet hapur gara për t`u zgjedhur kryetari i saj dhe për ta zmadhuar atë parti e për ta bërë komplementare për shoqërinë.
