Katër gjenerata më parë, ose më saktë katër vite më parë, Samsung prezantoi në treg një version të limituar të Samsung Galaxy SIII dhe Galaxy Note, pikërisht në kohën e Lojërave Olimpike të Pekinit 2012. Dy vite më vonë, Samsung prezanton në treg një tjetër edicion të limituar të pajisjes Galaxy Note 3, në lojërat dimërore dhe së fundi kjo kompani ka në mendje hapin e radhës.
Telefoni do të ketë të njëjtat parametra por do të sjellë disa ndryshime vizuale me tematikë Lojërat Olimpike. Pamja e jashtme e pajisjes do të mbajë një përzierje ngjyrimesh që përputhen me unazat olimpike – verdhë në pjesën e përparme, të gjelbër dhe të kuqe në anë dhe blu në anën e pasme.
Samsung Galaxy S7 edge Versioni Olimpik nuk është prezantuar akoma për publikun por pritet që kjo të bëhet së shpejti. Një gjë që merret me mend është se Samsung mund të presë deri sa lojërat olimpike të jenë vërtet afër, për të bërë goditjen e saj më të fundit. Deri më tani asgjë nuk dihet në lidhje me çmimin por mund të kënaqemi me pamjet e këtij telefoni të zgjuar./krokodili.al/a.k
