Ka nje deklarate te qarte nga ish kreu i Kosoves per Serbine. Ish-presidenti i Kosovës Fatmir Sejdiu, ka thënë se Kosova duhet të tregohet e kujdesshme me çështjen e korrigjimit të kufijve, pasi Serbia historikisht ka grabitur toka dhe kurrë nuk ka falur të tilla.
‘Serbia është shtet që nuk fal asgjë, është shtet që dëshiron të grabisë, prandaj me korrigjimin e kufijve duhet të kemi shumë kujdes’, ka thënë ish presidenti Sejdiu.
Ai tha se Kosova ka nevojë për një qetësim marrëdhëniesh me Serbinë, por asnjëherë nuk duhet të rrëshqitet sipas interesit të Serbisë. Sipas tij, qëllimi i Serbisë është për të komprometuar suksesin që e ka pasur Kosova, si shpalljen e Pavarësisë dhe opinionin e Gjykatës Ndërkombëtare.
Ish kreu i LDK-së dhe ish presidenti Sejdiu u shpreh se edhe maxhoranca edhe opozita duhet të kenë përgjegjësi përballë proceseve nëpër të cilat po kalon Kosova.
‘Në një vend janë përgjegjës edhe maxhoranca edhe opozita për mbarëvajtjen e çështjeve dhe politikave shtetërore. Respektimi i Kushtetutës duhet t’i bashkojë të gjithë’, ka përfunduar Sejdiu. (Koha)
