Taulant Seferi e ka mbyllur me gol, fitore dhe një biletë për në Kupat e Europës për skuadrën e tij, këtë sezon. Sulmuesi i kombëtares shqiptare realizoi golin e parë për Vorskla-n në fitoren 2-1 ndaj Shakhtar Donetsk.
Me këtë fitore në javën e fundit të kampionatit në Ukrainë, Vorskla siguroi një biletë pjesëmarrjeje në Conference League sezonin e ardhshëm.
Ndërkohë, për Taulant Seferin ky ishte goli i 13 në kampionat dhe një sinjal për trajnerin Sylvinho në prag të dy sfidave të kombëtares, ndaj Moldavisë dhe Ishujve Faroe, më 17 dhe 20 qershor.
/a.r
