Me hyrjen në fuqi të rregullores së re për çmimet e primeve të sigurimit të automjeteve bazuar në faktorët e riskut, drejtuesit do të paguajnë në bazë të kritereve që kategorizohen. Nëse do të jetë bonus ku shoferët do të përfitojnë duke filluar nga 2026 ulje të primit dhe malus për ata problematik një rritje çmime, Shoqata e Siguruesve të Shqipërisë e cilëson të drejtë.
“Si ai që ka një makinë me 1200 cc dhe ai me 4000 kubik paguanin njëlloj, por duke patur parasysh direktivat e BE AMF dhe Komisionit të Ekonomisë, nga 1 janari ka filluar rregullorja e re. Nuk do të thotë që ka rritje të primit me 30% por ka disa faktorë risku ku secili do të marrë hakun e vet sipas kritereve”, tha Kadri Morinaj për “A2 CNN”.
Shoferët e kujdesshëm, mosha e drejtuesit por dhe vjetërsia e automjeteve janë pjesë e skemës së re të llogaritjes së primit të sigurimit. Sipas të cilëve kanë qëllim kryesor ndërgjegjësimin e drejtuesve në përdorimin e rrugës.
“Rregullon tarifimin sa më të drejtë për çdo klient. Duke filluar nga kubikazhi, mosha, numri i dëmeve dhe bonuset që do kenë. Është artikuluar rritja por ka dhe 5% minus nëse klientët s’do kenë dëme. Nuk kemi bërë ndryshime komponentët s’kanë shtuar prime. Por kemi aplikuar direktivat e BE”, shpjegon Kladi Çitozi.
Tregu i sigurimeve në Shqipëri vazhdon të jetë i orientuar në sigurimet motorike të detyrueshme, të cilat zënë rreth 65% kundrejt 35% që zënë sigurimet vullnetare. Ky treg u rrit më 8% në 2024 ndërsa rreth 8.5% më shumë klient u shtuan.
Shume mire qe po fillon ky lloj modeli. Por problemi eshte qe historiku mos filloje ne vitin 0. Merrni te pakten 5 vitet e fundit historik qe drejtuesit.