Gjykimi i dytë në Hagë ndaj ish-krerëve të Uushtrisë Çlirimtare të Kosovës do të nisë ditën e sotme. Dhomat e Specializuara bëjnë me dije se para gjykatës në cilësinë e të akuzuarit do të dalin Hysni Gucati dhe Nesim Haradinaj. Të dy këta akuzohen për vepra penale kundër administrimit të drejtësisë.
Seanca e sotme do të hapet trupi gjykues, i cili do t’i kërkojë Zyra e Prokurorit të Specializuar (ZPS) të lexojë aktakuzën dhe të pyesë të akuzuarit nëse i kanë kuptuar akuzat kundër tyre. Më pas dy të akuzuarit do të informohen nga kryetari i trupit gjykues për të drejtat dhe detyrimet e tyre gjatë gjykimit dhe më pas do të vazhdohet me deklaratën hyrëse të Prokurorisë. Ndërsa dëgjimi i dëshmitarës së parë, kundër Gucatit dhe Haradinajt do të mbahet më 18 tetor.
Më 26 shtator të vitit të kaluar, dy ish-krerët e OVL-së së UÇK-së, kryetari Hysni Gucati dhe nënkryetari i kësaj organizate, Nasim Haradinaj u arrestuan me urdhër të Gjykatës Speciale. Ata akuzohen për pengim në administrimin e drejtësisë, frikësim të dëshmitarëve, hakmarrje dhe shkelje të fshehtësisë së procedurës.
g.kosovari
