Sot po mbahet seanca e parë në Gjykatën e Posaçme për kryetarin e zgjedhur të bashkisë së Himarës Fredi Beleri. Teksa ende priten detaje nga zhvillimi i seancës, ka dhënë një deklaratë të shkurtër për mediat kreu i PBDNJ-së Vangjel Dule.
Ashtu siç është shprehur më herët, Dule thekson se mbajtja e Belerit në qeli është në kundërshtim me rezolutën e Parlamentit Evropian. Sipas tij ky qëndrim nga ana e autoriteteve shqiptare përbën një pretendent ogurzi për politikën në vend.
“Përcilluni që të dëgjojnë këmbanën e rezolutës së Parlamentit Evropian, përcilluni vendimin e partive popullore evropiane, dëgjoni zërat racionalë nga Shtetet e Bashkuara të Amerikës dhe të Evropës, nuk ka një precedent të tillë. Është një përjashtim i rrezikshëm, përbën një precedent ogurzi për jetën tonë politike dhe institucionale. Ju faleminderit!”, tha Dule.
Sjellim në kujtesë se:
Beleri është vënë në pranga më 12 Maj të këtij viti, dy ditë para zgjedhjeve lokale me akuzën e blerjes së votave. SPAK e akuzon kryebashkiakun për korrupsion zgjedhor.
Në seancën paraprake do vendoset nëse dosja hetimore e Belerit e përgatitur nga Prokuroria Speciale Kundër Korrupsionit dhe Krimit të Organizuar, për korrupsion aktiv në zgjedhje kryer në bashkëpunim do të kalojë apo jo për gjykim.
Pritet që seancën e parë gjyqësore ndaj Belerit ta monitorojë edhe një delegacion nga Dhoma e Avokatëve të Athinës.
/a.r
