Sipas dekretit të publikuar nga Presidenca, legjislatura e IX e Kuvendit të Shqipërisë do të mblidhet ditën e shtunë, më 9 shtator, në orën 10:00.
” Në mbështetje të nenit 67, pika 1 dhe 93 të Kushtetutës së Shqipërisë, D e k r e t o j:
Neni 1- Mbledhja e parë e legjislaturës së IX të Kuvendit të Republikës së Shqipërisë, thirret ditën e shtunë, datë 9 shtator 2017, ora 10.00. Neni 2- Ky dekret hyn në fuqi menjëherë. Nr. Dekretit 10599; Tiranë, më 29.08.2017 “, thuhet në njoftimin e presidencës.
Në mbledhjen e parë të Kuvendit që drejtohet nga deputeti më i vjetër në moshë, zgjidhet kryeparlamentari i ri, që do të jetë Gramoz Ruçi.
