Kryeministri Edi Rama ka komentuar në “Shënimet e Javës” votën pro të opozitës shqiptare në Kuvend lidhur me rezolutën për integrimin.
Rama thekson se opozita e ka kuptuar që procesi i integrimit është i pandalshëm dhe bllokimi i shumëpërfolur nuk ekziston.
Po ashtu kreu i qeverisë paralajmëroi një lajm të ri, atë të kapërcimit në fazën tjetër të procesit dhe do të hapet edhe rruga për fillimin e mbylljes së kapitujve të negociatave.
“Shënimi i fundit është për diçka të mirëseardhur në Kuvendin e Shqipërisë, ku befasisht, por e përsëris pozitivisht, forcat opozitare të Kuvendit të Shqipërisë u bashkuan me shumicën qeverisëse për një rezolutë të lidhur me anëtarësimin në Bashkimin Europian. Më vjen mirë realisht që ndodhi diçka e tillë. Do të ishte mirë të ndodhte vazhdimisht kur flasim për anëtarësimin në Bashkimin Europian, por edhe një herë e vetme, prapë se prapë, është një herë me vlerën e vet dhe më vjen mirë po ashtu që, me sa unë kuptoj, e kanë kuptuar që procesi është i pandalshëm, që bllokimi i shumëpërfolur nuk ekziston, që së shpejti do të vijë edhe lajmi i ri dhe i mirë, si të gjitha lajmet për hapjen e kapitujve, të kapërcimit në fazën tjetër të procesit dhe do të hapet edhe rruga për fillimin e mbylljes së kapitujve të negociatave. Kështu që bashkimi, sado i befasishëm dhe sado i ngutur në “varkën e Shqipërisë europiane”, ku ne jemi aty prej kohësh dhe ku vendin e kanë gjithmonë aty, është plotësisht i mirëseardhur”, tha Rama.
E quajtura opozite,eshte bere pale me ju,si gjithmone,per lejet e ndertimeve,ne vecanti kullat,pjese teritorjale,edhe ne dogana,te lakmueshme jane doganat e porteve,aty jane fitimet kolosale me abuzimet e shumta.Ne kto dogana,se njeh qeni te zotin,ktu behen,biznese marramendese,fitohen miliona.Si gjithmone monstra,grabitqari me i malle,kur ka gjithe kto perparsi,nga ortaku i tije,pse mose te japin votat,me mumjet e tije per nji rrezolute,qe ka pake vlere rreale.