Këngëtarja dhe producentja amerikane Faith Evans ka konfirmuar se albumi i ri i reperit B.I.G. është në përfundim e sipër, dhe së shpejti do të anonçohet.
Albumi i ri, të cilin ajo e ka titulluar “The King and I” do të përmbajë vokalet e ish-burrit të saj B.I.G. dhe interpretime të saj, raporton MTV.
“Tani jam duke incizuar këtë projekt, një album që është duet me mua dhe B.I.G. dhe do të quhet ‘The King and I’. Tani jam në fazën përfundimtare”, ka thënë ajo për emisionin The Dame Dash, transmeton Koha.net.
Faith ishte e martuar me reperin e mirënjohur amerikan, ndërsa me të ka edhe një fëmijë, Christopher Jr. Ajo ka konfirmuar gjithashtu se është duke punuar që të bëjë edhe një performancë me hologram.
